
Еңбегіңіз еленіп құрметті демалысқа шыққан қуанышты күніңіз құтты болсын! Еткен еңбегіңізбен төккен теріңіз аз емес. Ендігі сол еңбегіңіздің зейнетін көріп, ауырмай-сырқамай, немере-шөберенің ортасында «аяулы әже» деген атты иеленіп жүре беріңіз деп тілейміз. Сіздің өмір жолыңыз жайында сәл көз жүгірте өтсек деймін. «Медикус центр» медициналық мекемесінің педиатр аймағының медбикесі Бисенбаева Орынша Саржанқызы 1959 жылы тамыздың 17 жұлдызында дүниеге келген. 1977 ж бастап №1 Орталық дәріханада бөлшектеп өлшеуші жұмысын жасап жүріп, «Ақтөбе медициналық колледжінде» кешкі бөлімінде оқыған. Осы жұмыста 03.02.1983 ж дейін жасаған. 1984 ж бастап Қарғалы орталық ауруханасында медициналық тіркеуші болып жұмысқа орналасқан.