» » ???? СКРИНИНГ ДЕГЕНІМІЗ НЕ ЖӘНЕ ОЛ НЕ ҮШІН ӨТКІЗІЛЕДІ?
Информация к новости
  • Просмотров: 102
  • Дата: 19-04-2022, 17:51
19-04-2022, 17:51

???? СКРИНИНГ ДЕГЕНІМІЗ НЕ ЖӘНЕ ОЛ НЕ ҮШІН ӨТКІЗІЛЕДІ?

????  СКРИНИНГ ДЕГЕНІМІЗ НЕ ЖӘНЕ ОЛ НЕ ҮШІН ӨТКІЗІЛЕДІ?

Скрининг-бұл аурудың белгілері әлі болмаған кезде ісікті ерте сатысында анықтау мақсатында жүргізілетін профилактикалық медициналық қарап-тексеруді және қосымша тексеру әдістерін қамтитын іс-шаралар кешені.

Ерте сатысында анықталған ісік толық емделуі мүмкін.

Кейінгі кезеңдерде аурудың белгілері болған кезде және ісіктің таралу мүмкіндігі болған кезде ауруды емдеу күрделене түседі. Сондықтан ісікті ерте сатыларда, оның таралуына дейін анықтау және емдеу қатерлі ісіктерден болатын өлім-жітімді төмендетудің ең тиімді жолы болып табылады.

Көбінесе ісік әрдайым ерте кезеңдерде анықталмайды, өйткені аурудың ерте ағымы симптомсыз болады, науқас өзінің әл-ауқатында өзгерістерді сезбейді және тексеру үшін дәрігерлерге бармайды.

Скринингтен өту қатерлі ісікке күдік бар дегенді білдірмейді. Бұл мүмкін болатын ісіктерді уақтылы анықтау үшін сау тұрғындар арасында профилактикалық мақсатта жүргізіледі.

???? Қазақстанда онкологиялық аурулармен күрес жөніндегі Ұлттық бағдарлама бар, оның шеңберінде 3 бағыт бойынша халыққа скринингтік тексерулер жүзеге асырылады:
???? Сүт безі қатерлі ісігі - 40 жастан 70 жасқа дейінгі әйелдер.
???? Жатыр мойыны обыры - 30 жастан 70 жасқа дейінгі әйелдер.
???? Колоректальды скрининг - 50 жастан 70 жасқа дейінгі ерлер мен әйелдер.

Скринингтен ТМККК/МӘМС шеңберінде тіркелу орны бойынша емханадан тегін өтуге болады.

???? Сонымен қатар, скринингтен өту үшін жұмысшылардың әлеуметтік демалыс алу құқығы заңнамалық деңгейде бекітілген, оған жалақы мен жұмыс орнын сақтай отырып, үш жұмыс күні беріледі.
^