» » Пандемияның соңғы екі жылында туберкулезден 20 мыңнан астам қазақстандық емделді - ҚР Денсаулық сақтау министрлігі
Информация к новости
  • Просмотров: 86
  • Дата: 18-04-2022, 14:52
18-04-2022, 14:52

Пандемияның соңғы екі жылында туберкулезден 20 мыңнан астам қазақстандық емделді - ҚР Денсаулық сақтау министрлігі

Пандемияның соңғы екі жылында туберкулезден 20 мыңнан астам қазақстандық емделді - ҚР Денсаулық сақтау министрлігі

Соңғы екі жылда пандемияның теріс әсеріне қарамастан Қазақстанда туберкулезден 20 мыңнан астам пациент емделді.

Халықаралық қауымдастық жыл сайын 24 наурызда Туберкулезбен күрес үнін атап өтіп, адамдардың өміріне қауіп төндіретін осы инфекцияны жоюға күш пен инвестицияны арттыруға шақырады.

Қазақстан бюджет қаражаты есебінен халықаралық стандарттарға сәйкес туберкулезді ерте диагностикалаудың, емдеудің және алдын алудың ең заманауи әдістерін енгізген санаулы елдердің қатарына жатады.

Айта кететін жайт, елімізде туберкулездің алдын алу, диагностикалау және емдеу тегін жүргізіледі.

Мәселен, 2021 жылы МСАК ұйымдарына туберкулезге күдікті белгілері бар 64 382 (99,5%) адам жүгінген. Олардың барлығы туберкулездің микобактерияларының (МБТ) болуын және оның негізгі туберкулезге қарсы рифампицин препаратына сезімталдығын 2 сағат ішінде анықтауға мүмкіндік беретін туберкулездің молекулярлық-генетикалық диагностикасының экспресс әдісімен (Джин-сарапшы) қамтылды. Жүргізілген тексерулер нәтижесінде 6183 (9,6%) адамда әртүрлі сатыдағы туберкулез анықталды.

Бүгінгі күні барлық өңірлік туберкулезге қарсы мекемелер (ТҚМ) және аудандық деңгейдегі зертханалар туберкулезді тез диагностикалауға және оның тұрақты түрлеріне арналған жабдықтармен қамтамасыз етілген.

Туберкулезді ерте анықтау мақсатында есепті кезеңде флюрографиялық-скрининг 7 554 525 адамға жүргізілді, туберкулездің 4148 жағдайы анықталды; оның ішінде "жоғары қауіп" топтарынан 668 850 адам тексерілді және 1361 адам анықталды.
Жоғары қауіпті топтар арасында туберкулезді анықтау тиімділігі тексерілген 1000 адамға шаққанда 2,0-ді құрады, сезімтал туберкулезбен алғаш анықталған науқастар арасында 85,9%-ды (ДДҰ стандарты - 85%), ал дәріге төзімді туберкулез 80,2% - ды (ДДҰ стандарты-75%) құрады.
Туберкулезді дер кезінде анықтау мақсатында 1 458 843 бала Манту сынамасымен тексеріліп, тексерілгендер арасында 111 ТБ жағдайы анықталды.

Елімізде туберкулезді емдеу үшін әлемде қолданылатын барлық туберкулезге қарсы препараттар қолжетімді.

#туберкулезизлечи
^